CBCUSA NEWSROOM

KUM THAR 2015 CHUNG AH KAN LUT

Kum Thar luh cu ngakchia kum no caah thancho lei lam kal a si. Upa caah ttumchuk lei lam kal a si. "Mi pakhat nih can vialte chung ah a sunglawi bik thil thar a hmuh khawh mi cu a nuncan thlen pah in a hmailei kong a thlen khawhmi hi a si" tiah Oprah Winfrey nih a ti.

Steve Martin nih "Thil sunglawi bik na tuah khawh mi cu nangmah tein naa theihtlei kha a si (The greatest thing you can do is surprise yourself)" a ti ve.

Can thar le ni thar nih mi a kan lawmhter. Upa ca zong ah a nuam. Minung kan i lawmhnak hmuh paoh hi a nuam mi cu a si ko. Cu caah, kan nunnak a kan lawmhtertu thil thar le theihtlei hi a um tawn a hau. Amah tein a ra lo. Kanmah nih tuah le timh a hau.

Lawmhnak kan ti mi cu kan duh tawnmi le zawnruahmi sin in thil tha a chuah ahhin a si. Khrihfa zumtu kan caah cun:

1. zumhnak thar kan ngeih tikah,
2. Khrih dawtnak a thar in kan tem tikah,
3, Pathian ram a kauh tikah,
4. kan miphun nih thil tha aa thim tikah, thil thar a chuahpi tikah, lungrualnak a ngeih tikah
5. Minung kan nunzia duhnung tein a langhter tikah, lawmhnak kan ngei tawn.

KUM THAR AH THEIH HMASAT LAWMHNAK

CACC hruainak in Hakha ah Laica le holh kong ceihhmainak an ngei. December 31, 2014 - January 3, 2015 chung ah an tuah. CBCUSA nih Dr. Kenneth Van Bik le Saya Thlasui Tluangneh kan thlah hna. Dr. Kenneth Van Bik hi holh lei cawnnak in Ph D a hmumi, Saya Thlasui Tluangneh hi holh lei kha cawng in M.Div a hmumi a si. A thiam bak mi chuanvor an si. Miphun pakhat hi hi bantuk thiamsang hna nih dirkamh lo ahcun a pur kho mi a si.

[tang] Hakha ah Laica le holh kong a ceihkhangtu hna