CBCUSA THAWNGTHANH

September 02, 2014

September 01, 2014 Monday cu USA ah Labor's Day a si. Hi ni chirhchan in August 29 - 08/01/2014 ni ah CBCUSA ram chung area pahnih ah mino hna cu celh zuamnak le Pathian thangthatnak in hawikomhnak an ngei hna.

1) Mid America Chin Christian Fellowship Conference

Quad City Chin Baptist Church, Moline, Illinois ah an tuah.  Rev. Dr. S. Hre Kio le CBCUSA Vice President Rev. Tial Lian nih an telpi hna.  

2) CBCUSA Region 4 Youth Conference

Springfield Chin Community Church, Springfield, Missouri ah an tuah.  CBCUSA Christian Education & Literature Department Director Saya Thlasui Tluangneh le CBCUSA EM Dr. C Duh Kam nih an tel pi hna.

Hlaremh zuamnak le solo zuamnak tuah a si.  Laimi/Chinmi nih USA kan hngahnak hi a sau rih lo.  Kum tlawm te chung ah a lam kip in kan thancho ning a rang ngai.  Hlasak thiam mino an tam.  Hlaremh an thiam.  Lentecelh (soccer) an thiam.  

SCCC nih Springfield Convention Center an hlan i Pathian kan thangthat.  Khual hi 350 pin ah mah tein chungkhar in a ra mi an um caah 400 reng lo kan si kho.  Khuahlum SCCC le Missouri Lai Baptist Church [MLBC] dihlak komh nih convention center khat in Chin mino nih Pathian kan thangthat.  Hi tluk in mino an tam nain, thianghlim tein pumhnak le celh zuamnak kan tuah kho.  Mino nih Pathian an duh chin lengmang ti kan hmuh tikah kan i lawm taktak.  Chin mino hna hi hmailei kan miphun Khrih chuanvor an si kho cang.

Pathian nih thlarau le thinlung tak in thangthat a duh.  Thinlung nih kan mit, kaa, hna, kut le ke hi a hman.  Pathian kan biaknak le thangthatnak cu a style in mi nih an ti cio tiin kan thangthat lai lo.  Kan thinlung thlarau nih Pathian a dawtnak tem bu tein  Bawipa hi thangthat a si cang.  Khrih cu Chin mino hna caah Bawi a si cang.  Kan Lai bia le hla tein Pathian thangthatnak cu ngaih cimlo an si cang.   
**************************************

*** Hi blog ah thangthatnak hla hna hi vawlei pi cung Chin churches hna nih sakmi an si. 

**************************************

[tang] CBCUSA Region 4 Youth Conference Pathian thangthat lio

[cung] Pumpuluih Champion: Monmouth Chin Christian Church Mino

[tang] Chairman Pu Erhluai Hlawnceu le Rev. Ni Ceu

[tang] Pumpuluih ah pahnihnak: Carson Chin Baptist Church, Milwaukee, WI

*** (1) Valleyball champion: Springfield Chin Community Church Mino
       (2) Valleyball 2nk: Chin Baptist Church, Marshalltown, Iowa

[tang] Branson City (Springfield pawng) ah Holywood fa te an ser.  Khua te fate a si nain, mi tampi nih len duh ding in dawh ngai in an ser.  

Vanlawng bualrawn zong pumpak mirum Country Music singer 

Dolly Patron le hawi dang hna nih anmah phaisa in an sak.

USA cu an mirum nih an ram an dawt tuk.  Zei maw tin chiat-vatnak

ton sual hna khi um sehlaw an mirum nih thil tampi an tuah ko lai.

A tang hi zoh ding ah Titanic tilawng an ser.

[tang] A rawk cia in sak mi inn.  A leeng a rawk.  A chung cu a rawk lo.

Chung lei in a rawk lo mi cu an him ko.  Thlichia zong ttih ding a si lem lo.