2014 ICBM [CCOC FOLLOW UP MISSION] REVIVAL KHUALTLAWNNAK

Khrih Thawngtha chim cu khrihfabu thazaang a si zungzal.  

A ruang cu Thawngtha hmual cu Thlarau Thiang ah hram aa bunhmi a si. 

Pathian [Pa & Fapa & Thlarau) nih A program ah pumsa harnak tuar thihnak in Khrih nih

kan khamhnak cu a ser.  Kan zumh khawh nak ding ah Thlarau nih minung kan thinlung

le thlarau ah a chim ve.  Khrih cu kan hngalh tikah Khamhtu ah kan cohlan khawh.

Sual saltannak in a luatmi kan si cu za a lawng.  Lawmhnak nganbik a si.

Khrih nih hi Thawngtha cu khua za kip ah chim ding ah a kan fial.

************************************************************************ 

CBCUSA Pastors hna le revival groups nih khrihfabu kip sin ah lennak program cu kan tuahmi cu Bawipa nih thlua a chuah.  A min thang tha ko seh.  A tanglei hi ICBM Thawngthanhnak a si. 
**************************

Upatmi CBCUSA Hruaitu hna le Rian tuan hawi hna,

CBCUSA ram chung kan pa le hna nih Bawipa kawh nak aw thei in an tawl rel nak le fial nak bantuk in,  Omaha Chin Christian Church min in kei zong Jacksonville , Florida ah 9th Aug,2014, zarteni zaanlei kha ka va phan kho ve. Chin Evangelical Baptist Church i an pastor , Pas. Lian Thuam le an Secretary nih lung lawm ten an van ka dawn. Jacksonville khua cu a kau ngai ngai i cun an khua lai cer bak ah tiva dawh tak a luan caah zoh a dawh tuk.. Aw Bawipa hi a va tha dah , Laimi hna zong hi tluk ram dawh le khua dawh hna i hmun hma khuar kho dirhmun hna i an kan chiah hi a ro pui tuk ee ka ti i ka lung chung in A Min Thiang ka thang that pah.

Cu zaan cu Pu Bawi Duh Cung te inn ah pumh nak kan ngei. A cheu cu rian ruang ah le a dang herhpawi ruang ah an ra kho lo. Minung kan tlawm pah nain Pathian Thlarau nih thawng le cak in rian a tuan i khawruahhar in Pathian Biatak a luang liam. A ho poh lawmh nak in kan khat. Khrih i Nawlpek Lianngan a si mi Mission rian tuan nak thinlung zong a van i hlau deuh ngai.A thai zing 10th Aug,2014 ( Sunday) zong Khrihfabu member an zaa pi nawn in an van i pum hna i lung lawm ten Bawipa kan thang that ti than hna. An Church Chairman Pu Za Bil nih pumhnak an kan hruai , Thawngtha Biatak saupin kan i hrawm ti. Thlarau a cawlcangh caah kan zaa ten Pathian Bia chim le ngeih kan cim lo. Zarpizaan van peh khi kan lung ah a um cio nain , Air ticket book cia asi caah sian lo ngai in kan tian hna.Pas. Lian Thuam le an Khrihfa Upa nih an ka thlah than.  

An ka conglawmh dan le an ka zoh khenh dan a tha kho tuk le Bawipa nih a rem a ti ah cun hmaikum lei zong an sin ah tlawn ka tim than ko hih. CEBC an Pastor cung ah le member vial te an cung ah lawmh nak chim cawk lo ka ngei.Bawipa nih a Rian Thiang caah hmang chin ko hna seh. Zarhpi zing an thawhlawm cu ICBM rian tuan nak caah an ka kuat i Tawlreltu sin ah ka van kuat than te lai.

Bawipa nih A Ram cu ICBM hmang in kauh ter chin leng mang ko seh,Amen...

Khrih ah,

Pas. Ngun Lian Bawi

OCCC , Omaha