CBCUSA PASTORS RETREAT

GREEN LAKE, WISCONSIN

SEPTEMBER 10-13, 2014

Pathian rianttuantu Chin pastors 66 hna cu Wisconsin state chung Green Lake tibual kam ah tonnak an ngei hna.  Cawnnak le hawikomhnak in can an hmang.  Cawnmi cu "Conflict Resolution (Elhniarnak Daihternak)" kong a si. Cawnpiaktu hna nupa cu Dr. Daniel Buttry le Rev. Sharon Buttry an si.  A thiam ngai mi an si.  An pahnih in cawnpiaknak an tuah tti.  An i bawm.  A ral/hua mi hna karlak ah daihternak siam ning kong a si.

Minung nih mah lungthin nih a temmi kha theih, kanmah kha thlanglamhmi maw ka si, mi dang thlanglamhtu dah ka si ti kha theih, cu hnu ah remnak caah i timh a herhnak kong a si.  A kan huatu zong kha mah nih thinlung toidor ter in fuh le panh ahcun remnak hi aa siam kho.  Bible bia hmang in ngaihthiamnak nun in remnak nun kha ser a hau.  Pathian/Fapa/Thlarau bawmhnak in tuah khawh a si.  Can lak bel te cu a herh tawn.  Voi leh khat ah a cang mi a si kho theng lo.  Lungsau tein remnak cu ser a hau.

Lairam in biaknak hruaitu upa 6 nih an kan telpi.  Thawngtha a kan chimh.  Lairam lei kong hna tampi an kan chimh.  Pathian dawtnak thawng in kannih Laitlai Chin zong A hmanrua ah kan cang ve cang.  Lawmhnak a ngan hringhran.

[tang] Milwaukee, Wisconsin ah kan i tong hna.  Carson Chin Baptist Church le Milwaukee Chin Baptist Church nih an kan don, an kan zohkhenh.  Chun ah Milwaukee Beach ah kan leeng.  Zan lei 5:00 pm in Green Lake, Wisconsin ah kan i tthial.  Mawtor in meng 100 reng lo an kan mongh.  7:30 pm ah kan phan.  9:00 pm - 11:00 pm chung hi ICBM (CCOC Follow Up Mission) kong kan i ceih hna.  Kan tha a tho dih.  

 [tang] cawnnak kan thok

 [tang] Cawnpiaktu Dr. Daniel and Rev. Sharon Buttry

An pahnih in Detroit, Michigan ah an um.  Rev. Sharon hi pastor a si.

An biakinn ah biaknak dang kha an bawmh hna.  Thla ka campiak hna i

damnak a hmu mi an um i khrihfa ah an cang tiah pumpak in a ka chimh.

A herh ahcun Pathiang cu Thlarau in aa phuang ko.  A pennak kauhter nak caah.

 [tang] CBCUSA pastors retreat kalmi hna

 [tang] Rev. Paul Tum Ceu, GS of HBA

Dr. Thawng Hnin Zam, Principal of Union Theological College, Matupi

Dr. Law Ha Ling, Principal of Chin Christian Institute of Theology, Falam

 [tang] Rev. Chia Zi nih Lairam kan pa le hna sin ah lawmhnak a chim.

Rev. Chia Zi hi CCOC palai a ttuan bal mi a si.  A chim ahcun a mitthli aa hrol tawn.

A testimonial (tehtekhannak) cu www.cbcusa.org ah a um.

 [tang] Rev. Bil Hmung, Senior Pastor of Yangon Lai Baptist Church

An biakinn saknak caah thlacam piak an herh ngai.