CBCUSA NEWSROOM BLOG HI

Hman than hauh dawh in a um. Chinram i puicimh harnak ton lio ah thawngthanhnak caah biatak tein kan hman. ICBM Thawngtha chimnak mission rian kong thawngthanhnak caah kan hman tam ngai fawn.  Thawng kan theih tam tikah bawmhnak a pe duh mi an tam ve.  Kan i bawmchan kho hna.

Kha lio 2015 harnak chung in Pathian thawng in kan dam cang kan ti hnik lio ah atu vawleipi ah zawtnak tha lo COVID-19 ruangah harsatnak kan tong than.  Minung nunnak tampi a liam.  Zawtfah tuar tamtuk an um.  Thinphang le thlalaunak in kan khat.  

Hi zawtnak hi caan a rauh deuh sual ahcun kan tuarning a fak tuk lai.  Ram tha deuh ahcun cozah tha nih ti le rawl cu a kan pek ko lai tiah hnangam deuh kan si nain, riantuan kho lo in kan um ahcun kan chungkhat cio he harsa ngai in kan um lai.  

Siaherhbik mi cu:

1) Lai khua te le khuapi cheu khat ah kuli tuan i ei zalh chom in a nung mi chungkhar cu rawl ei awk ngei lo taktak in an um lai ti phan a um taktak ko.  Rawl ei awk ngei lo in a tamhal ding an tam lai.  Pathian nih mualpho in kan chia siang hlah seh!  Kan miphun hawi hna caah thlacam kan herh tuk.  Uknak lei ramhruaitu hna nih bawmhnak tawlrel piak an hau tuk lai.  Ramdang biaknak lei zong in timhlamhnak ngeih kan herh.  Kan hruaitu hna nih an kan timhlamhpi a herh ve ko lai.

2) Peletwa peng chung raldohnak ruangah harnak tuarmi miphun hawi hna cu philh awk an tha lo.  Bawmhnak tuah ding in kan upa hna nih an kan aupiak i a tha tuk hringhran.  Chin zumtu dihlak nih kan i tel cio ahcun a nung dam ve lai.

Kan Lai pipu hna nih "Mipam kan um, pam chin kan um" ti mi bia roling an ngei.  Sifak santlai lo hi bawmhchanh an herh tuk, bawmh lo awk tha lo a si, a sifak mi nih kanmah nak in a sifak santlai lo deuh mi hna kha bawmh kan rian a si ve an tinak a si.  Kan har ngai ko zong ah kanmah nak in a har mi cu bawmh ding rian kan ngei cio.  

Paletwa ralzaam Chin miphun hawi hna

LEI CUNG KAN NUN HI TUANBIA AH AN CANG TAWN

AN HMUN ZUNGZAL LO.

CHIN FOR CHRIST IN ONE CENTURY [CCOC] IN ICBM RIANTUANNAK

Pathian nih A Fapa ngeihchun Jesuh Khrih in kan khamhnak lam a serning hi minung nih kan ruah phak lo a si.  Van le vawlei le a chung ummi A ser lio ah a awl ngai.  A bia in "Um seh" a ti hna i an um diahmah ko.  Nain, a rawkmi remh cu Pathian ca zong ah a har tuk ko rua.  Minung kan rawkmi hi a rak faak tuk.  Zei dang in khamhnak lam dang a um lo.  Khrih thihnak in khamh haumi hrimhrim kan rak si.  Cu caah, kan thih ding canai ah Khrih cu vailamtah cung ah thihnak fak bik tuar in A nunnak a kan pek.  Khrih a hngal i a zummi nih khamhnak kan hmu.  Hi Thawngtha hi lei khua zakip ah chim ding in thothan Khrih nih a kan fial [Matthai 28:19].  Khrih thisen in khamhmi le tlanhmi hna nih kan chim lo ahcun a chim kho ding an um lo, thisen in khamh an si lo caah vanmi hmanh nih thisen khamhnak hla hi an sa kho lo.  Nang le kei cu kan kal a hau ko.  Hi Thawngtha a hngal taktak mi nih an i umpi kho lo.  Khrih Thawngtha chim hi an duh bik.  An nunnak hmanh an pek ngam.

A tu lio cu ICBM Awareness Program in Chinram in Rev. Peng Thang, Rev. Sing Kee Ling le Lg. Noami Par Tha Sung nih CBCUSA churches kip ah Thawngtha an chim lio a si.  June in an thok i October 15, 2017 ah an dih lai.  

[cung] Rev. Arthur Carson cu a chuah khua hi kal taak in Chinmi kan sin ah Khrih Thawngtha chim ah a nupi Laura Carson he Hakha khua cu March 15, 1899 ni ah an rak phan.  

Rev. Dr. S Hre Kio Upat Peknak

Chinmi kan pa Rev. Dr. S Hre Kio cu American Baptist Churches USA [ABCUSA] nih Biennial Mission Submit [civui] ah Susan Johnson Cook Freedom Award an pek. Kan i lawm tuk hringhran.

 

Van Lian nulepa cu thlarau le pumsa in kan miphun nu le pa an si. Guam ah Chinmi kan phak lio ah a lam kip in a kan zohkhenhtu an si. Bawi Khrih min in upat kan pek hna. Pathian nih nun khuasaunak le ngandamnak pe ko hna seh! Thlacamnak in bawm cio hna usih.

Susan Johnson Cook kong: 

President Barack Obama nih Ambassador-at-Large for International Religious Freedom ah a hman. A tang hi a kong a si [English].

Suzan Denise Johnson Cook (born January 28, 1957) is a presidential advisor, pastor, theologian, author, activist, and academic who served as the United States Ambassador-at-Large for International Religious Freedom from April 2011 to October 2013.[1] She has had a wide-ranging career in a number of fields, serving as a policy advisor to President Bill Clinton and later to the Secretary of Housing and Urban Development Henry Cisneros, a dean and professor of communications at Harvard University, a professor of theology at New York Theological Seminary, a pastor at a number of churches, a television producer, a sought-after speaker and the author of nearly a dozen books, before being named Ambassador-at-Large for International Religious Freedom by President Barack Obama. She was also the first female senior pastor in the 200-year history of the American Baptist Churches USA and a close friend of Coretta Scott King Suzan Johnson Cook.

C Duh Kam
General Secretary
CBCUSA

***********************************

CBCUSA NUBU TRAINING [JUNE 30 - JULY 2, 2017]

"Pathian lamhruainak thawng in CBCUSA Nubu Training [June 30 - July 2] cu Chin Bethel Church, DC ah tlamtling tein an tuah khawh. State dang in a ra mi khual 640 hna tel in tualchung CBCUSA chungtel zumtu hna he mining 800 - 1000 an kai kho. Khual tha tuk in a kan zohkhenhtu CBC chungkhar hna, cawnpiaktu saya hna, nubu upa hna le aa telmi dialak cungah lunglawmhnak kan chim. Kan i lawmhkhunmi pakhat cu Ruthie, kan siangbawi hnuhnungbik Dr. Robert Johnson le Elizabeth Johnson fanu nih a telpi mi hna hi a si. Hakha holh cu a thannak khua holh a si caah a thiam tuk rih. 

Chin/Lainu cu Lai thil te he an i rem bik. Khrih aa dawhnak cu an thinlung chungah hmuh khawh a si. Kan nule thawng in USA khuasa Chinmi kan sin ah Pathian Pennak a tlung. Vawlei ah A Pennak a kauhnak ding caah le CBCUSA cu Khrih caah a thancho khawh nak ding ah Bawipa Pathian nih tampi in thluachuah pe ko hna seh!"

THE BEAUTY OF CHRIST AT THE 4TH CBCUSA WOMEN TRAINING

By God's guidance, the CBCUSA women training [June 30-July 2, 2017] was successfully held at Chin Bethel Church [CBC], one of the CBCUSA member churches in Washington Metropolitan Area [the capital of the USA]. About 800 - 1000 including 640 Chin women from other states and local CBCUSA members participated in it. We are very thankful to the Chin Bethel Church for their warm hospitality, all CBCUSA women leaders, teachers/Instructors, and all participants. Our special thanks go to Ruthie, daughter of Dr. Robert & Mrs. Elizabeth Johnson, the last American Baptist missionary couple to the Chins who left Burma [Myanmar] in 1966. Ruthie still fluently speaks Hakha Chin language since she was grown in Hakha, the current capital of Chin State.

The Chin women are so beautiful with their traditional dress. The beauty of Christ is seen in their hearts. We praise God that His Kingdom comes to the Chin Baptist Churches in the USA through the CBCUSA women. May God continue to abundantly bless them for the extension of His Kingdom on earth and for the growth of the CBCUSA family for Christ.

Dr. C Duh Kam

General Secretary, CBCUSA

American Baptist Churches USA [ABCUSA] Biennial Civui, Portland, Oregon, June 30-July 2, 2017

Oregon Convention Center ah tuah a si lai. ABCUSA tuanbia thoknak cu a tam ngai. 1814 kum ah siangbawi te bawmhnak caah Foreign Mission Society hi an thok. American Baptists nih an uarbikmi cu Jesuh Khrih Thawngtha chim a si. Rev. Adoniram Judson le Ann Judson cu Yangon, Myanmar ah July 13, 1813 ah an ra. Khrih Thawngtha chim an thok. Rev. Arthur & Laura Carson cu March 13, 1899 ni ah Hakha khua ah an ra i Khrih Thawngtha cu an kan chimh. Cu ti cun, Khrih zumtu khrihfa ah kan cang.

American Baptist Churches USA cu ram dang ah Thawngtha an chim. Myanmar ah missionaries tambik an thlah. An thih hnawh bak ve. Nihin ah Myanmar ah Baptists cu American Baptists nak in kan tam deuh. Khrihfa tuanbia rel tik ah Baptists le Mission cu aa then kho lo. Khrih Thawngtha chim ruang ah nunnak tampi an pek ngam. An chim lawng ah an thlarau di a riam.

Kannih Chinmi zumtu hna zong American Baptists nih thlarau in hrinsormi kan si. Harnak tampi chung in hi dirhmun ah kan phak khawhnak cu Khrih le kan Chin miphun caah nunnak a pemi Rev. Arthur Carson and Laura Carson thok in siangbawi chungkhar dihlak 7 hna riantuannak in a si. Kan Chin khrihfabu tuanbia nih philh khawh lo ding in a tial dih. 

ABCUSA Biennial Civui cu linsa ngai in kan hmang ko lai hi. Hi civui ah Praise and Worship ah Lg. Minoca Uk [CBMC, DC] aa tel ve lai. Kansas City ah rak tuah lio ah amah le Rev. Chan Hnin Thui an rak i tel cang. ABCUSA upa pawl zong an i lawm taktak ve. Kum caan tawi te chung ah hi dirhmun ah nan phak khawh cu! an ti. Pathian nih a kan cawisan ciahmah ko.

Kei zong Nizan 6/26/2016 ah Portland, Oregon ah ka phan. ABCUSA Board of General Ministries [BGM] ah 2006 kum in kaa tel ve caah nihin in meeting kan thok lai. BGM cu ABCUSA riantuannak policy tlaitu a si. Kan civui kong hna theih ve nan duh sual ah kan thanh pah te hna lai. A tang hotel ah meeting kan tuah lai.  Zarh khat kan cam lai.

Portland, Oregon cu khua dawh ngai a si. Pe 11,245 a sangmi Mount Hood nih a dawh ter.  A nuamh ter.  Hawhra nih a khuh rih ko.  Vanlawng cung in zoh a dawh ngai.

**************************************

ZOTUNG BAPTIST CHURCH, DC SUNDAY WORSHIP SERVICE 

[JUNE 25, 2017]

Kan leeng hna.  Bawipa Zanriah kan serpiak hna.  Pastor an ngei rih lo.  Mi tlawm an si nain, lungfim tein an um.  Khua an ruahning a pipa ngai.  Zotung Baptist Association, Rezua cu CACC rak thoknak ah Matu Baptist Association he tuanbia tialtu an si.  Bu riantuannak ah tel hi a biapi ngai.

INTERNATIONAL CHIN BAPTIST MISSION [ICBM] NIH 

MISSION AWARENESS PROGRAM

CBCUSA nih ICBM tiin Thlang Chinram [Mindat, Kanpalet, Paletwa le Gangaw] ah mission rian [CCOC Follow Up] a tuannak kong hi CBCUSA zumtu mipi nih an theih fian khawh nak ding ah khrihfabu kip sin ah leeng ding in Chinram khual upa le hlasakthiam an sawm hna. Speaker Rev. Peng Thang [Former GS of Lautu Association of Baptist Church], Rev. Sing Kee Ling [GS of Mindat Township Baptist Association], le Gospel Singer Lg. Noami Par Tha Sung cu Indianapolis, IN ah an rak phan.  

1. June 11, 2017 Sunday:  Emmanuel Chin Baptist Church, Columbus, Ohio ah an tlawng.  Mission Director Dr. Cung Lian Hup le an nu, le GS C Duh Kam nih an lenpi hna.

 [cung] Indianapolis, IN to Columbus, Ohio

 [cung] Emmanuel Chin Baptist Church pastor le upa hna he

 [cung] ECBC biakinn thar sak lio mi kan zoh

[cung] Mission Komiti upa hna he 

June 14, 2017 ni ah Mission Komiti meeting an thu.  ICBM khual upa hna 

an khualtlawnnak ding schedule an tuah piak hna.

2. June 15-18, 2017: Bowling Green, Kentucky ah Dr. & Mrs. Cung Lian Hup nih an tlawnpi hna.  

3. June 21-25, 2017: Zophei Baptist Church, Indianapolis, IN ah can an hman lio a si.

Speaker Rev. Peng Thang cu Pathian nih a hman taktak.  A thawngtha chim ngaih a nuam. Mi an i lunghmui ngai.  

Tehtekhannak:  Rev. Sing Kee Ling nih CCOC Thawngtha chimnak in Pathian zumtu a sinak, hi riantuannak a dohtu a si nain a hrinthan i Bible sianginn kai in CCOC palai ah rian a tuannak le Pathian nih lam a hruaining a chim tikah mi tampi nih thazaang kan hmu.

Singer Lg. Noami Par Tha Sung cu mi tampi nih theih cia a si.  Pathian hla thiang a sak tikah aa biatak, Pathian sin ah a nun thlarau thinlung pek in a sak tikah mi tampi nih ngaih kan cim lo.  Pathian nih a hman taktak.  

An dihlak cung ah lunglawmhnak kan ngei.  Khrihfabu tami sin ah leeng in program cu tuahpiak an si.  Thlacamnak in bawm cio hna usih.
***************************

MIDLAND CHIN IMMANUEL CHURCH, MIDLAND, TEXAS 

JUNE 25, 2017

Biakinn saknak komiti nih an ka sawm i ka leeng hna.  Zarhpini cu Father's Day a si.  Nuam ngai in can kan hmang ti hna.  Bawipa a tha tuk.  Biakinn hmun tha tuk an ngei cang.

PATHIAN NIH KAN CHIN MIPHUN CUNG THLUACHUAH HI!

Khuaruahhar ngai a si.  Vawlei cung khuapi tha tampi ah kan um.  America, Asia ram, Australia, le Europe khuapi tampi ah khua kan sa hna.  Kanmah si khawhnak ruang ah si lo in, Pathian nih thluachuah a kan pek caah a si.  Kan fale hna nih Pathian an zumh i fimnak an cawn ahcun Lairam lawng si lo in, miphun dang caah santlai kho mi miphun kan si hrimhrim lai.

Kan umnak khuapi cheu khat hna cu:

New York City

[tang] World Trade Center

[tang] White House, DC