CBCUSA NEWS

[April 01, 2014]

(1) Lairam American Baptist siangbawi hmasabik Re. Arthur Carson cu Chinram Hakha khua ah April 01, 1908 ni ah Khrih le A dawtmi Chin miphun caah a nunnak a pek.

Chinram an phak ahhin kum 38, a thih ahhin kum 47 a si.  Khrih caah rak i nunpi lo ahcun Laimi caah nunnak hi pek khawh ding a si hnga lo.  Amah theihthannak ah CBCUSA News chimnak kan van tuah duhnak a si.

(2) CBCUSA ah Mid America Chin Christian Fellowship (MACCF) nih an kan telpi caah lunglawmhnak a tam hringhran.  Pathian min kan thangthat.  CBCUSA chungtel dihlak 82 kan si cang.  

(3) CBCUSA BT meeting cu March 14-15, 2014 ah Chin Baptist Church - Texas ah kan tuah.

Hi meeting ah biakhiahnak tuahmi hna cu a tanglei bantuk in a si:

(a)  Chin Christian College, Hakha cu Chin Christian University ah ser ding in hnatlaknak tuah a si. CCC cu CACC nih 1990 kum ah a tuah.  2014 tiang ah CCC in a ongmi 955 an si.

(b) Nihin ah chimhmi degree program hna cu BTh, BRe, M.Div. an si.  June 2014 in Diploma of Theology cu thok a si lai.  High school a ong lo mi caah asi.

© BAE (Bachelor of Arts in English) song an tuah.  2014 ah mining 20 nih degree an lak.

A tu ah tuah ding in timhmi degree program hna cu:

1) Norway in SAI nih bawmhnak tuah in BBA (Bachelor of Business Administration) cu 

June 2014 in an thok lai.

2) Chin Foundation, USA bawmhnak in Diploma of Business Administration cu

April 19, 2014 in an thok lai.

3) Chinram siangbawi Dr. Chester U Strait fa le Dr. David Strait le Dr. Paul Strait nih 

an pa rianttuannak kha peh ding in an timh.  CCC ah nursing program tuah ding in 

timhnak an ngei tiah kan theih.

CCC ah biaknak degree pali le vawlei fimnak degree pali cawnnak tuah a si lai.

Cu caah, CCC cu CCU innka ah a dir cang.  Kan tuah khawh tawk in degree kan herhmi kha

kan chap ahcun CCU ah a cang ko lai tiah kan zumh.

4) Hakha ah Radio Station tuahnak lam kawl ding in hnatlaknak a tuah.

CBCUSA 5NK CIVUI

JUNE 04-07, 2015

1) Zophei Christian Church, Indianapolis, IN nih an kan donpiak lai.

2) Hi Civui ah Lairam Jesus Christ Baptist Church, Lawngtlai, Mizoram  GS Dr. Lalpekhlua Lahnim le LJCBC Choir kan sawm hna lai. 2014 Lai Idol a hmu mi kha sawm ding timh a si fawn.

LEIKHUAZA LAITLAI CHIN HRUAITU HNA TONNAK

NOVEMBER 1 - 15, 2014

Lawngtlai, Mizoram

Meeting a kai ding mi hna:

1) CACC le CCC in hruaitu upa hna

2) Lairam Jesus Christ Baptist Church, Lawngtlai, Mizoram

3) Chin Christian Council in Australia (CCCA) in palai pakhat

4) CBCUSA, Indianapolis, IN in palai pahnih

5) Chin Christian Association in Europe hi kan sawm cang hna.

6) Bangladesh ah Bawm unau hna sawm ding in kan timh.

Hmailei Lairam Khrih Mission rianttuannak le Laica, Laiholh le Lai nunphung 

thanchonak kong ceihnak ngeih a si lai.

A tu ah aa pehtlai i rianttuan tti mi buu hna cu:

(1) CACC, Hakha, (2) LJCBC, Lawngtlai, (3) CBCUSA kan si. Civui kan i hrawng.  Kan i sawm.  LJCBC, Lawngtlai nih an Annual Assembly ah CBCUSA le CACC cu a kan sawm zungzal ve. CBCUSA nih LJCBC, Lawngtlai cu a sawm tawn hna.  2015 CBCUSA Civui ah LJCBC Choir zong sawm ding in a timhnak a si.

*CCCA (Australia) hi an i peh ve te lai.

** Chin Christian Association in Europe le

*** Bawm Unau, Bangladesh nih pehtlaihnak an tuah khawh can a um lai.

BAPTIST WORLD ALLIANCE [BWA] he pehtlaihnak

CBCUSA cu Baptist World Alliance nih member pakhat in cohlan ding kan si.  A ra lai mi July 9-11, 2014 ni ah Izmir, Turkey ah tuah ding mi General Council Meeting ah cohlannak an kan tuah lai.  CBCUSA President Rev. Ngun Awi le Assistant Executive Minister  Dr. Thlaawr Bawihrin nih membership catial cu an kan lak piak te lai. 

April 2, 2014 Wednesday ah BWA GS Dr. Neville Callam zong a office ah ka va leeng.  Lawmhnak ka va chim pah.  Aa lawm ngai ve.