A THLUM DECEMBER THLA AH

Chinram ah fur chung hi zeidah kan lawh lai tiah rili ral lamhla piin thin i domh in kan um cio hna.  Pathian nih A kan huhphenh.  2015 kum chung ah kan tonmi harnak pin ah 2016 fur chung ah fak in a chap lo.  A tu cu Van Bawi Messiah chuah cam ni le caan chung ah kan lut cang lai.  Thlarau Thiang nih a kan hruai lai.  Christmas zong lunglawm tein kan hmang hna lai.

HARNAK HI HMAN THIAM AHCUN KAN THAWNNAK A SI.

Chin khualipi Hakha cu a rawh tikah zumtu fanu fapa hna nih dawtnak le zangfahnak thinlung in bawmhnak kan pek cio.  Hakha Hmun Thar ah chungkhar tampi cu khua an sa hna.  Hakha cu meng 6/7 a kau cang.  Zapi caah ke in kal khawh a si lo caah CBCUSA nih bus pahnih kan cawkpiak hna.  Hakha Baptist Assocation [HBA] nih an tawlrel lai.  Awl zang deuh in khua lak ah len khawh a si cang lai.  Tanrual ahcun sifak santlai zong nih thil tha kan chuahpi khawh ko.  Lungrualnak hi kan thazaang a si.

 Hakha City Bus pahnih cu Japan ah an cah, Chinram ah kal kho ding in an tuah hnu ah

Hakha khua ah an rak phan.  Hakha Baptist Association zung hmai ah Pathian sin pekchanh thlacamnak an tuah.  Kan pa Pu Zo Bawi zong aa tel kho ve.

 [cung] CBCUSA Office, Indianapolis, Indiana

[cung] Chinram rawh ruang ah CBCUSA Board of Directors hna cu CBCUSA Office,

Indianapolis, IN ah emergency meeting an thu.

[cung] Chinram a rawk ti thawng theih cang ka in CBCUSA EO upa hna cu 

Chin Baptist Mission Church, DC ah emergency meeting an thu. Ngaichiat le launak ton lio a si caah an mui nih an phurh rit a langhter.